Zogam vaang a khabang phamte’
Thahat ngalliam khuaibang a hangte’n,
Dougal lau lou! daibang a nawk in,
Gam-le-nam di’n hinna laan uh hi.

Hun-le-nite liam zel in, leenkum kivei zel
mahleh, Zogam vaang a khabang phamte,
Zolei vontawite’n hon ngilh kei ung e,
Zahna lianpen hon pia ung ee.
(Khamuang tak in na zaalta un)

Muikhua zing in lummei hong kai a,
Tangchih mualchih aliap lai in,
Zolei Nang vang’n khuambang kip den hi,
Zolei na itna sialbang lian hi.

Thanghou-Liandoute ki-itna gam,
Tuan a pupa’n aluahsa gam,
Zolei shingtate henkawl bulh di’n,
Ngaingam la’ng e, ka phal theilou.

Na suulnung uh zuun ding zatamte’n
Hanlung chiam ung selung tuak in,
Nuachiang vonte hon geel nawn lou in,
Khamuang tak in na zaal ta un.

[Aphuaktu apan thukup tamlou: Kum 10 vaal bang hita ka ngaihtuahna ah hiai laa ‘Zogam vaang a khabang phamte’ chih hong om zelzel a, akhen chiang in ‘aah… tu nungnung in hiai khawng..’ ka chi zel hi. Himahleh Gam-le-nam itna ziak a hinna nataante thupi kasakna abei thei kei hi. Zolei vonten amaute ngilh lou, zahna lianpen (salute) pia I hihdan pulakna leh amauten ei adamlaite hon gel nawnlou a khamuangtak a hon heisan ding a mangpha khakna laa leeng ahi hi. Hiai la kimelmakna hontun laa hilou a, Thang-liandou’ ki-it bang a ki-it tuahna I gam a hontun laa hiding in ka hon lui khia hi.. ]

Laa phuaktu leh lasa: Biakkhanmang
Phuahni : 21/4/2011
Music : Thangliansang @ Shangnaulak